BIBLIOTECA A XUNQUEIRA

INFORMACIÓN DE INTERESE PARA OS USUARIOS DA BIBLIOTECA DO CPI A XUNQUEIRA

DEVOLUCIÓN DOS LIBROS QUE TEMOS EN PRÉSTAMO DO CURSO 2019-20 

Os titores recollerán os libros que o alumnado tiña na casa

cando veñan devolver os libros de préstamo.

Os libros recollidos depositaranse nunha caixa pechada

durante 14 días antes de volver a colocalos no seu andel.

PRÉSTAMO PARA O VERÁN

Se algún alumno ou alumna quere levar algún libro da biblio para o verán seguirá o seguinte proceso:

1.- Consulta os libros dispoñibles na páxina da biblioteca:

http://www.opacmeiga.rbgalicia.org/Biblioteca.aspx?CodigoBiblioteca=CEH025

2.-Envía un correo a luciaprieto@cpiaxunqueira.com 

onde indica os títulos escollidos.

3.- O día que se vén matricular ao colexio recolle 

o seu pedido no momento de facer a matrícula.

Ánimo e feliz verán!

PREMIO DOS CLUBS DE LECTURA 2020

Premio dos Clubs de Lectura 2020 para Andrea Maceiras

Co gallo da celebración do Día do Libro, a Dirección Xeral de Centros e Recursos Humanos, da consellería de Educación, Universidade e Formación Profesional, fai pública a Resolución de 23 de abril de 2020 pola que se recoñece a Andrea Maceiras co Premio dos Clubs de Lectura 2020. 

No ano 2015 creouse este premio co obxecto de recoñecer cada ano a aqueles autores e autoras que, cos seus libros, axudan á construción de lectoras e lectores nestas etapas da adolescencia e a mocidade que, no ámbito da lectura, están consideradas como etapas de risco de abandono, ao ampliarse o abano de estímulos e intereses. Uns creadores comprometidos coa lingua que achegan a materia prima coa que os clubs de lectura poden contribuír á extensión da lectura en galego. Na resolución de creación do premio contemplábase que “o Premio dos Clubs de Lectura poderá entregarse unha soa vez a un autor ou autora. No caso de que o primeiro creador da relación resultante nun curso xa tivese recibido o premio, este seralle concedido ao autor ou autora seguinte na relación”.   Até o momento recibiron este galardón os escritores Agustín Fernández
Paz (2015), Ledicia Costas (2016), Miguelanxo Prado (2017), Carlos Negro
(2018) e María Reimóndez (2019).

Andrea Maceiras é unha das autoras más seguidas polo lectorado infantil e xuvenil galego. A súa última novela, Conta nove estrelas, obtivo o Premio Lazarillo 2018. Na súa web podemos coñecer toda a súa traxectoria e todos os seus libros. Dous dos seus títulos, O que sei do silencio e Europa express están incluídos entre os 50 libros máis lidos nos Clubs de lectura no curso 2018/2019. 

• Publicación no Portal Educativo
  

• 0s 40 autores e autoras + lidas polos Clubs de Lectura no curso 2018/2019